குழந்தை வளர்ப்பும் நலனும்

புத்தகம் : குழந்தை வளர்ப்பும் நலனும்

குழந்தைகள் வளர்ப்பு குறித்த புத்தகங்கள் தமிழில் வாசிக்க கிடைப்பது அரிது சில மேலைநாட்டு பிரபல எழுத்தாளர்களின் மொழிபெயர்ப்புப் புத்தகங்களை வாங்கிப் படித்தால் நீங்கள் இதுவரை படித்த கேட்ட தமிழை மறந்து விடும் அளவிற்கு இருக்கும் என்கின்ற சூழ்நிலையில் "குழந்தை வளர்ப்பும் நலனும்" என்கின்ற மருத்துவர் ப.வைத்தியலிங்கம் அவர்களின் இந்த நூல் மிகவும் முக்கியமானது.

குழந்தை பெற்றுக்கொள்கிற அல்லது பெற்றுக்கொள்ள விரும்புபவர்கள் அவசியம் படிக்க வேண்டிய ஒரு புத்தகம் குழந்தை பெற்றுக்கொள்ளும் எண்ணம் தொடங்கி குழந்தைகளுக்கு வீட்டில் ஏற்படும் எதிர்பாராத விபத்துகள் வரை அனைத்தையும் அலசும் முப்பத்திமூன்று கட்டுரைகளின் தொகுப்பாக இந்த புத்தகம் விளங்குகிறது.

 குழந்தை இந்த உலகத்தை அடைந்தவுடன் முதல் முதலில் அது சந்திக்கும் டெம்பரேச்சர் சாக் முதல் அதன் உடலின் மேல் பூசப்பட்டிருக்கும் வெள்ளை நிற வெர்னிக்ஸ் மாவு, Foremilk,Hindmilk தாய்பாலில் அடுத்தடுத்த மணிநேரங்களில் சுரக்கும் இருவகை பால் பற்றி பேசி, தாய்ப்பால் ஊட்டுவதில் தாய்மார்களுக்கு உள்ள பிரச்சனைகள், தாய்மார்களுக்கு எந்தெந்த நோய்கள் பிள்ளைகளை பாதிக்கும், குழந்தைக்கு எப்பொழுது இணை உணவு ஆரம்பிப்பது, சிறார்களுக்கான உணவு வகைகள், குழந்தையைச் சாப்பிட பழக்கும் முறை, குழந்தையின் உடல் எடை எந்த வயதில் கூடும் எப்பொழுது குறையும் அதை எப்படி கையாள்வது, குழந்தை அடம் பிடிப்பதை எப்படி கையாள்வது, குழந்தைகளுக்கான தடுப்பூசிகள், முக்கிய நோய் அறிகுறிகள், குழந்தைகள் வளர்ச்சியை எவ்வாறு கண்காணிப்பது, குழந்தைகள் வளர்ச்சிக்கு ஏற்ற சரியான வீட்டு சூழ்நிலையை எப்படி ஏற்படுத்தி தருவது என்று பல்வேறு முக்கியமான விஷயங்களைப் பற்றி பேசக்கூடிய புத்தகம்.

குழந்தை வளர்ப்பு என்றவுடன் போகிறவர்கள் வருகிறவர்கள் எல்லாரும் அனுபவப் பகிர்வு அறிவுரை என்று குழப்பி விடுவார்கள் எனவே அடிப்படை புரிதலுக்கு இத்தகைய புத்தகங்களை வாசிப்பது சிறந்தது

பதிப்பு : நியூ செஞ்சுரி புக் ஹவுஸ்
விலை:125

Comments

Post a Comment

Popular posts from this blog

அக்காளின் எலும்புகள்

அக்காளின் எலும்புகள் கவிதை தொகுப்பு வெறும் அக்காவின் எலும்பு மச்சை வடிந்த மை கொண்டு எழுதப்பட்டதல்ல நூற்றாண்டு காலமாக மென்னி நெறிக்கப்பட்ட பெண்ணை ஏறெடுத்து பார...
Read more

அப்பத்தா

புத்தகம்   :அப்பத்தா சிறுகதைகள்  ஆசிரியர்:பாரதி கிருஷ்ணகுமார் The Roots வெளியீடு விலை:100 பக்கங்கள்:97  கிராமத்து வாழ்வியலின் வெவ்வேறு அனுபவங்களை வேறுபட்ட மனித கதாபாத்திரங்களின் வழியாக பேசுகிறது இந்த புத்தகம்.     மொத்தம் பத்து சிறுகதைகள் உள்ளன அவற்றின் பெரும்பாலான கதைகளின் கதாபாத்திரங்களோடு சிறிது நேரம் பயணித்தில் ஏற்பட்ட பிணைப்பு அவர்களோடு நீண்ட நேரம் பயணிக்க வேண்டும் என்கின்ற ஆவலை ஏற்படுத்துகிறது. நாவலாக படிக்க கிடைக்காதா என்று ஏங்கும் வண்ணம் கதைக்கு பின் என்ன ஆனதோ என்னும் ஆவலையும் ஏக்கத்தையும்பல கதைகள் உருவாக்குகின்றன குறிப்பாக அப்பத்தா கதை இந்த அனைத்து கதைகளிலும் முத்தாய்ப்பாய் விளங்குகிறது இன்னும் ஊத்து, கோடி, லுங்கி  எல்லாம் மறக்க முடியாத கதைகள்.  எளிமையான எழுத்து நடையில் வழவழவென்று இழுக்காமல் சொற்ப வார்த்தைகளில் எழுதப்பட்டுள்ள இந்த கதை பேசாமல் விட்டிருக்கும் மௌனங்கள் கூட அதிகமா நம்மை சிந்திக்க வைக்கின்றன.    ஏதோ ஒரு வாசிப்பு போட்டி போல கடகடவென்று எடுத்து இந்த பத்து கதைகளையும் முழுமூச்சில் படித்துவிட்டு வைத்து விட முடியாது. ஒ...
Read more

பேச்சியம்மாளின் சோளக்காட்டுப் பொம்மை

புத்தகம் :பேச்சியம்மாளின் சோளக்காட்டுப் பொம்மை  ஆசிரியர்: வீரசோழன் க.சோ. திருமாவளவன்  படைப்பு பதிப்பகம் பக்கங்கள்:110 விலை:100 மண் மனம் மாறாத கிராமத்து வாழ்வியலின் உறைநிலை இந்த கவிதை தொகுப்பு.  பக்கங்கள் தோறும் எலுமிச்சை பழங்களின் நறுமணமும் முருங்கைக் கீரையின் பச்சையமும் தாத்தா பூனைக்கு வைக்கும் தயிர் சாதத்தின் மனமும் கோலிகுண்டுகளாய் உருண்டோடுகின்றன .கரிசல் காட்டை சுற்றி காட்டி கடைசியில் யமுனை ஆற்றங்கரையில் கண்ணீரோடு நம்மை நிற்க வைக்கிறார் ஆசிரியர்.    பருத்தியை வெண் குங்குமம் என்கிறார் மெய்ப்பனின் முத்தத்தை கசாப்பு கடைக்காரன் ஒருபோதும் அறிந்ததில்லை என்கிறார் தேநீர் கடைக்காரனை சுவைஞானி என்கிறார் மழைத்துளியை உயிர் உருண்டை என்கிறார்.   | பூனைகள் பாதகம் ஏற்படுத்தாத பசு|  |ஆலமரத்தின் விழுதுகளில் தூரிஆடும் குழந்தைக்கு ஏற்றவரே காற்றில் தன்னை இழகுபடுத்தும்| வாழ்வை புரட்டி போட்ட நுண்கிருமி சொந்த ஊரில் உயிரை விட கையில் ஏந்தி செல்கிறது கல்லறையை  செதுக்கி இருக்கும் புத்தனை  தீண்டுவதே இல்லை சிற்பி    பூத்தே இருக்கும் ஏக்கங்களுக்கு அறுவடை அற்ற ந...
Read more